علّق الإعلامي محمد فارس، مقدم برنامج "في ضهر الأهلي" على الفوز الساحق الذي حققه المارد الأحمر على بترول أسيوط ضمن منافسات كأس عاصمة مصر.
ونجح الأهلي في تحقيق الفوز على بترول أسيوط بنتيجة 5-0، مساء اليوم الأربعاء، على ملعب استاد السلام، ضمن الجولة الأولى من دور المجموعات بكأس عاصمة مصر.
وكتب محمد فارس عبر حسابه الرسمي على موقع التواصل الاجتماعي "فيسبوك": "فوز مهم مش عشان البطولة نفسها، إنما فوز مهم إنك حققت بيه مكاسب نفسية المستفيد الأول منها عموتة، اللي كان محتاج فوز زي ده بالسهولة دي والأسكور ده، وهو بيلعب بالبدلاء".
وأضاف: "وقدام فريق من الدوري يمكن قابلنا فرق في مستواه قدمنا قدامها أداء أقل، مشاركة داري الماتش كامل مكسب، وصناعة توفيق محمد لهدف مكسب، وتسجيل بنجديدة مكسب، ومستوى حسين الشحات مكسب المكاسب".
وأشار فارس إلى أهمية استثمار الفوز نفسيًا قبل مواجهة الزمالك، قائلًا: "أتمنى نحافظ على الحالة دي نفسيًا وتتحول لثقة عند عموتة وهو رايح ماتش الزمالك".
وتابع: "عندنا إسكواد فيه تنوع وحلول، والكلام ده لازم يظهر في ماتش الزمالك"، معربًا عن سعادته بعودة الانتصارات السهلة للأهلي، قائلًا: "أنا كانت وحشاني الماتشات اللي مش متأزمة واللي بعدها مش لازم أحس إني عندي اكتئاب".
